Dorfposcht
online

Seniorenferien 31.5. bis 7.6.04 in Brissago

En Aabigtüür-Fahrt is wild Centovalli …

Mit einem humorvollen Rückblick von Willy Peter schauen wir zurück auf eine erlebnisreiche Ferienwoche der Senioren von Thalheim-Altikon. Der Alltag hat uns wieder eingeholt, doch hoffe ich, unsere Gäste werden die Zeit in guter Erinnerung behalten.

Das Begleitteam Christine Jordi, Frieda Mathis und Brigitte Wettstein freut sich auch nächstes Jahr wieder auf Feriengäste. Diesmal zur Kirschblütenzeit vom 23. bis 30. April 2005 in Bad Ramsach, BL.

Ich wünsche allen viele frohe Sommerstunden.

Brigitte Wettstein
Ortsvertretung Thalheim

D Altersferie 2004

E Wuche Ticino! Mir mögeds is gune.
En füechtwaarme Schtart, dänn sächs Taag nu Sune!
D Umgäbig abtaschte. Und rekognosziere.
Ueber s Läbe z Brissago echli philosophiere.
Em Morge d Fabrik vole Tubak und Schtängel:
E brasilianischi Frau macht, vo Hand, ticki Bängel
Als Fyraabig-Gnuss für Manne mit Schnöiz!
Und d Reschte? Die gönd na zum schigge mit Schpöiz.

En Aabigtüür-Fahrt is wild Centovalli
Mit Pergola-Rys, begäischteret ali:
Drei Schluchte, en Schtausee, e Chile, zwölf Ränk …
Das würge in Kurve. Und s Wätter? Es Gschänk!
Und süüdlichi Choscht mit ecuadoorischem Charme.
Gwüss: Richtigi Ferie. Nid z häiss. Und doch waarm.
Und Zaabig, uf de Lynwand, nu Wüeschti. Und Sand.
De Pfarer als Fründ. Im ägyptische Land.
Er füert is mit Gnuss, samt sire Karawane.
D Kamel seigid gschyd, die wüssid wo ane.

Em Morgefrüe turne. S sind nid ganz all daa.
En Rundgang im Gaarte. En gmögige Maa,
de Meischter vom Park vole Affeschwanzböim
und Wasser-Fuchsfale. Und Morgeschtärn-Tröim!
Und s Hotel: Es Bijou mit oordli vil Schteern.
Die Buffet, dä Service. Mir händ ales gärn.

En Usflug uf Ronco. E Faart uf em See.
Ich hören iez uf. Mir gseend na vil mee.
De Häiwääg über San Bernadino
zum gwöndliche Kafi, schtatt Top-Capucciino.
Die Tunel, die Bärge, die frische Kultuure.
mir chömed gsund häi zu dä Wyländer Puure.
Z Chuur häts na e chlyses Interview ggee –
mir lönd is die schööne Ferie nid nä!
Das Schwümbi mit Wytsicht. E lauwaarmi Briise.
Siebe Taag Ferie! E Viertelschtund Kriise …
Mir sind doch vernümpftig und chönds ä bewyse:

Es Tanke vo Härze, em Thuuurtaaler-Team!
Sii füeged alls zäme. Sii händ dä rächt Lym
Und pinsled en ane, das er guet chläbet.
Er hebet e Wuche! En Täil gaat denäbet

Und hebet die Maitli und Puurschte
Bis nööchscht Jahr in Schwung :
Dänn gömer go bade und tüend na wie jung.

Willy Peter

Bookmark and Share